சித்ரா….
சித்ராவை விரும்பிய அமைச்சரின் மகன்… ஹேம்நாத் சொல்வது இவரைதானா..?
ஹேம்நாத்தின் நண்பரான அமைச்சரின் மகனுக்கும் சித்ரா மீது ஈர்ப்பு இருந்ததாக அவருடைய தோழி கங்கா என்பவர் ஏற்கனவே வெளியிட்ட தகவல் தற்போதைய சூழலில் நினைவுகூர வைக்கிறது.
விஜே சித்ரா தற்கொலை செய்துகொண்ட வழக்கில் அவரது கணவர் ஹேம்நாத் கைது செய்யப்பட்டார் கைதான 60 நாட்கள் கழித்து சென்னை உயர் நீதிமன்றம் அவருக்கு ஜாமீன் கொடுத்தது. கடந்த 2020 ஆம் ஆண்டு டிசம்பரில் நடந்த இந்த தற்கொலை சம்பவம் தொலைக்காட்சி துறையில் மிகுந்த பரபரப்பாக பேசப்பட்டது.
சித்ரா தரப்பில் ஒரு சிலர் அளித்த பேட்டிகளை இப்போது தூசி தட்டி பார்க்கும்போது ஹேம்நாத்தின் கொடூர சித்திரவதை, சித்ராவின் தனிப்பட்ட காதல் விவகாரங்கள், டேட்டிங் மற்றும் அரசியல் புள்ளிகளின் வாடை என பல வீண் பிரச்சினைகளை சித்ராவே தலையில் ஏத்திக்கொண்டு வாழ்க்கையை நாசமாக்கிக்கொண்டதை காட்டுகிறது. அதன் ஒரு பகுதியாக சித்ராவின் நெருங்கிய தோழி கங்கா என்பவர் பகிர்ந்துகொண்ட சில விஷயங்களை பார்க்கலாம்.
தனியார் தொலைக்காட்சியில் காமெடி சீரியலில் நடித்து வந்த சித்ரா அந்த சீரியலின் வசனம் எழுத்தாளரை காதலித்து வந்ததாகவும், அவருக்கு தேவையான பொருட்களை வாங்கிக்கொடுத்ததாகவும் கூறப்படுகிறது. ஆனால், திருமணம் வரைக்கும் சென்ற இவர்களது காதல் திடீரென நின்றுள்ளது.
பின்னர் தொகுப்பாளராகவும், சின்னத்திரை நடிகையாகவும் ஜொலிக்க தொடங்கிய சித்ரா போலி தொழிலதிபர் ஹேம்நாத்தை சந்தித்துள்ளார். ஒருநாள், தனது நெருங்கிய தோழிக்கு ஹேம்நாத்தின் புகைப்படத்தை அனுப்பிய சித்ரா, ஹேம்நாத்தை காதலிப்பதாகவும், ஆள் எப்படி என்று கேட்டுள்ளார்.
அதற்கு பதிலளித்த சித்ராவின் தோழி, ஹேம்நாத் பார்க்க வயசானவர் மாதிரி இருக்கு என கூறியுள்ளார். ஆனால், ஹேம்நாத் திருவேற்காட்டில் சொந்தமாக திருமண மண்டபம் நடத்தி வருவதாகவும், நல்ல வசதியானவர் என்றும் சித்ரா தனது தோழியிடம் கூறியுள்ளார்.
ஆனால், காலப்போக்கில் அதுவும் பொய் என்பதை சித்ரா தெரிந்துகொண்டு ஹேம்நாத்திடம் சண்டையிட்டதெல்லாம் உண்டு. மேலும், ஹேம்நாத்தின் நண்பரான அமைச்சரின் மகனுக்கும் சித்ரா மீது ஈர்ப்பு இருந்ததாகவும் கூறப்படுகிறது. தற்போது ஹேம்நாத் கொடுத்துள்ள புகாருக்கு பின்னர் யார் அந்த அமைச்சரின் மகன் என்பதான எதிர்பார்ப்பு அதிகரித்துள்ளது.