சட்டீஸ்கர்….
சட்டீஸ்கர் மாநிலம் மகேந்திரகர் மாவட்டத்தில் சிப்சிபி என்ற கிராமத்தில் ஆரம்ப சுகாதார மையம் செயல்பட்டு வருகிறது. அதில் அரசு மருத்துவர்கள் செவிலியர்கள் பணியாற்றி வருகின்றனர். இந்நிலையில் கடந்த வெள்ளிக்கிழமை மாலை 3 மணி அளவில் ஆரம்ப சுகாதார மையத்தில் செவிலியர்கள் பணியாற்றிக் கொண்டிருந்தனர்.
அப்போது அப்பகுதியை சேர்ந்த சிறுவர்கள் நான்கு பேர் அந்த ஆரம்ப சுகாதார மையத்திற்குள் அத்துமீறி நுழைந்தனர். அப்போது அங்கு தனியாக இருந்த ஒரு செவிலியரின் வாயை பொத்தி, கை கால்களை கட்டி கதற கதற கூட்டு பாலியல் பலாத்காரம் செய்தனர். பின்னர் அதை செல்போனில் வீடியோவாக பதிவு செய்த அந்த கும்பல் அங்கிருந்து தப்பியது.
முன்னதாக நடந்த சம்பவத்தை வெளியில் சொன்னால் அந்த வீடியோவை வெளியிட்டு விடுவோம் என மிரட்டியுள்ளனர். பின்னர் தனக்கு நேர்ந்த கொடுமை குறித்து அந்த செவிலியர் அவரது பெற்றோரிடம் கூறினார், அதன்பிறகு பெற்றோரின் ஆலோசனையின் பெயரில் போலீசில் புகார் கொடுக்கப்பட்டது.
இது குறித்து வழக்குப்பதிவு செய்த போலீசார் செவிலியரை பாலியல் பலாத்காரம் செய்த 3 பேரை கைது செய்தனர்.
இதில் 17 வயது குற்றவாளி தலைமறைவாக இருந்து வருகிறார் இந்நிலையில் அந்த சிறுவனை பிடிக்க போலீசார் தனிப்படை அமைத்து தேடி வருகின்றனர். இச்சம்பவம் சட்டீஸ்கர் மாநிலத்தில் பரபரப்பை ஏற்படுத்தியுள்ளது.