மத்தியபிரதேசத்தில் தாய் ஒருவர் தனது குழந்தையை வெள்ளையாக்குவதற்காக கருங்கல்லில் உடலை தேய்த்த சம்பவம் அதிர்ச்சியை ஏற்படுத்தியுள்ளது.
ஆசிரியையாக பணியாற்றி வரும் சுதா திவாரி என்பவர், தனக்கு குழந்தை இல்லாத காரணத்தால் கடந்த 1 ஆண்டுகளுக்கு முன்னர், குழந்தைகள் காப்பகத்தில் இருந்து பெண் குழந்தை ஒன்றை தத்தெடுத்துள்ளார்.
அந்த குழந்தை கருப்பாக இருந்ததால், தத்தெடுத்தது முதல் அதிருப்தியில் இருந்த சுதா, அக்கம் பக்கத்தினர் அளித்த ஆலோசனையின் பேரில், குழந்தை வெள்ளையாக வேண்டும் என்பதற்காக, அதன் உடலை கருங்கல்லில் தேய்த்துள்ளார்.
இதனால் அந்த குழந்தை படுகாயம் அடைந்துள்ளது.அந்த குழந்தையை கொடுமைப்படுத்தப்படுவதை பொறுத்துக் கொள்ள முடியாத சுதாவின் சகோதரியின் மகள் பொலிசாருக்கு தகவல் தெரிவித்துள்ளார்.
இதனையடுத்து அங்கு சென்ற குழந்தை நல அமைப்பினரும், பொலிசாரும் குழந்தையை மீட்டு, ஆசிரியை சுதாவையும் கைது செய்துள்ளனர்.
குழந்தையை சட்டவிதிகளுக்கு புறம்பாக அவர் தத்தெடுத்திருப்பதால், தற்போது மருத்துவமனையில் சிகிச்சை பெற்று வரும் அந்த குழந்தை, குழந்தைகள் நல அமைப்பினரிடம் ஒப்படைக்கப்பட்டுள்ளது.